አዲስ ስደተኛ በኖርዌይ
Du er her:

አዲስ ስደተኛ በኖርዌይ

በተለይም ለአዲስ መጪ ስደተኞች መብቶች፣ ሃላፊነቶች እና እድሎች

በኖርዌይ ኑሮን መመስረት የሚፈልጉ የውጪ ዜጎች የመኖሪያ ፍቃድ በቂ ምክንያት ያስፈልጋቸዋል። እንደ የመኖሪያ ፍቃድ አይነቱ አንድ ሰው ያለው መብት እና ሃላፊነቱም ይለያያል። ሁሉም ሰው የሚመለከተውን ህጎች ማወቅ አለበት። ማንኛውም በኖርዌይ የሚኖር ሰው የሀገሩን ህጎች እና ደንቦች የማወቅ ግዳጅ አለበት። መንግስት መረጃ በሚጠይቅበት ጊዜ ሁሉም ትክክለኛ መረጃ የመስጠት ግዴታ አለበት።

መረጃ

በኖርዌይ የሚኖሩ ሁሉ ብዙ መብትና ግዴታ አለባቸው።

ይህም ማለት ሁሉም ልጆች የመማር መብት አላቸው፣ እንዲሁም ሁሉም ሀኪም ቤት የመታከም መብት አላቸው። የሚሰሩ ሁሉ ቀረጥ የመክፈል ግዳጅ አለባቸው። የዓመታዊ ገቢ መግለጫ ስናስገባ ትክክለኛ መረጃ የመስጠት ግዳጅ አለብን። በዚህ ድህረ ገፅ ላይ ከሁሉም ዜጎች የሚጠበቀውን በተለያዩ ርእሶች ስር ማንበብ ይችላሉ።

ሥርዓቱ የተመሰረተው በመተማመን ላይ ነው

ዜጎች ትክክለኛውን መረጃ እንደሚሰጡና ህግን እንደምያከብሩ ባለስልጣናት ይተማመናሉ። የኖርዊጂያን ስርዓት የተመሰረተው በዚህ መሰረት ላይ ነው። የቁጥጥር ዘዴዎች ቢኖሩም ናሙና ብቻ ነው የሚታየው። ስያስጭበረብሩ የሚያዙ ሰዎች የተለያዩ ቅጣት ይጠብቃቸዋል። ይህም የገንዘብ ቅጣት፣ እስር፣ የህዝብ አገልግሎት ቅጣት የመሳሰሉት ሊሆን ይችላል።