Ajinebiga ku cusub Norwey

Waxbarashada af-noorwiijiga iyo cilmiga bulshada.

Foto fra et norskkurs

Xuquuq iyo waajib barashada af-noorwiiji iyo cilmiga bulshada.

Ajanibka qaarkii waxa ay xaq leeyihiin waajibna ku ah in ay bartaan af-noorwiiji iyo cilmiga bulshada. Tani waxa ay qusaysaa:

  • Qaxootiga
  • dadka haysta sharci dal-ku-joog sabab bani-aadanimo
  • dadka si wadajir ah u helay magangelyo
  • qoys la isu keenay oo mid ka mid yahay kooxaha kor ku xusan (familieinnvandring)
  • qoys la isu keenay oo noorwiiji ama muwaadiniinta noordenka (familieinvandring)
  • qoys la isu keenay oo dad haysta degenaansho abadiya (familieinnvandring)

Waa keliya dadka da’doodu u dhaxayso 16-67 sanno kuwa xaq u leh waajibna ay ku tahay in ay ka qayb qaataan barashada af-noorwiijiga. Xuquuqdu waxa ay tahay in waxbarashadu lacag la’aan tahay, waajibkun yahay in dadkaasi ay dhammaystaan 600 oo saacadood oo waxbarasho ah si loo siiyo sharciga deganansho abadiya ah (ama sharciga muwaadinimo). 50 saacadood oo ka mid ah waxay ku baranayaan cilmiga bulshada iyagoo ku qaadan doona afkooda hooyo ama luqad ay aad u yaqaanaan. Sidoo kale qofku wuxuu heli karaa saacado badan afnoorwiiji lacag la’aan ah. Degmada ayaa bixisa saacadahan taas oo ku xidhan baahida oo qofku u qabo barashada luqada, laakiin saacadaha oo dhami kama badnaan kartaan 3000 oo saacadood marka la isku wada daro.

Barasho af-noorwiiji ee noorwiiji iyo cilmiga bulshada.

Qaar ka mid ah ajaanibku xaq uma laha barasho af-noorwiiji oo lacag la’aan ah, laakiin waxa ku waajib ah in dhammeeyaan 300 oo saacadood oo barashada af-noorwiijga ee noorwiiji iyo cilmiga bulshada si ay u helaan sharci deganaansho abadiya ah. Tani waxa ay qusaysaa:

  • Dadka shaqo doonka ah ee ka yimi dalalka ka baxsan midowga yurub iyo wadamada baayacmushteriga la leh midowga yurub ee loo yaqaan EØS/EFTA
  • qoysaska la isu keeno ee ajaanibka shaqo ku yimi ee ka soo jeeda wadamo ka baxsan wadamada EØS/EFTA (familieinnvandring)

Aan xaq u lahay ama aanay ku waajibin barashada af-noorwiiji ee af-noorwiijiga iyo cilmiga bulshada.

Dadka qaar ka mid ah ajaanibka ayaan xaquuq iyo waajibaad toona u laheyn barashada afoorwiijiga iyo cilmiga bulshada. Kuwaasi waa:

  • Ardayda
  • au pair iyo qaar kale oo leh ku meel gaar ah
  • Dadka ka soo jeeda wadamada noordenka
  • Dadka ku haysta sharci dal-ku-joog EFTA/EØS sharcigooda

Wax sax ah

Kooraska luqadda

Qofkasta oo degan Norway waa muhiim inuu ku hadlikaraa, uuna fahmi karaa afka Norwijiga. Bulshada waxay qof walba ka sugeysaa inuu inuu nolosha bulshada ka qaybqaato iyo inuu qofku shaqo raadsadaa, si uu naftiisa u dabero. Inta badan degmooyinku waxay bixiyaa koorasyo luqadda ah, sidoo kale waxaa jira hayaddu gaar ah oo koorasyo luuqadda ah bixiyo. Haajiriinta qaarkood waxay degmooyinka ka heli karaan koorasyo luqadda ah oo bilaash ah, sida haajiriinta qaarkoodna ay tahay inay lacag bixiyaan haddii ay doonayaan inay afka bartaan. Waxayna ku xiran tahay hadba nooca ogo’laanshaha qofku uu haysto.

Ka shaqey layliska